ماستي المشرقة

مش هقدر اركب معاك العربية انت قولي رايحين فين وانا هركب تاكسي واحصلك.
عقد يزيد حاجبيه ثم قال طب وايه الفرق ما التاكسي هيكون سواقه غريب برضه اعتبريني غريب زيه .
ابتلعت غرام ريقها ثم قالت
_ معلش ريحني وانا كدة هرتاح افضل.
لم يجد يزيد بد من الموافقة فاوقف تاكسي واركبها به وقال له علي مكان الكازينو ودفع الأجرة لينطلق التاكسي وهو خلفها بسيارته.
وبرغم غرابة الموقف ومنطقها الغير مقنع بالنسبة له إلا أنه احترم تصرفها كثيرا لذلك لم يحاول الضغط عليها.
وصلا معا إلي الكازينو ودخلا ليحاول يزيد الذهاپ الي طاولة منزوية في أطراف الكازينو ولكنها اختارت طاولة بمنتصف المحال .
جلسا سويا يحاول أن يتحدث لها يزيد وكلما يسألها تجيب برد مقتضب وتتلفت يمينا ويسارا حتى صمتا كلاهما حتى جاء النادل وأدلى يزيد بطلباتهم إليه دون أن يسألها قط فعقدت جبينها متسائلة باندهاش انت حتى مسألتيش احب اشرب ايه وطلبت من غير ما تعرف رأيي.
ابتسم يزيد نصف ابتسامة ثم قال مش يمكن عملت كدة قصد علشان تتكلمي 
شعرت غرام بالخجل ورمشت باهدابها ثم حاولت اشغال نفسها في تهذيب شعرها حتى اكمل يزيد حديثه قائلا اصل بصراحة من ساعة ما جينا وانتي ساكته وبتردي على قد السؤال ده غير انك بتتلفتي حواليكي معرفش ليه بالرغم أن المفروض قائلة لوالدتك .
ثم مال قليلا للامام مستندا على الطاولة ينظر بداخل عيونها قائلا بهمس ولا خارجه معايا من ورا مامتك.
_ لا لا والله قايلالها ده كمان لما قولت لسواق التاكسي علي المكان اتصلت بلغتها علي طول.
خرج حديث غرام سريعا وكأنها مخطأة وتبرر فعلتها فاتسعت ابتسامة يزيد قليلا ثم قال بثقة انا عارف ده كويس وواثق جدا فيكي كمان انا بس مستغرب قلقك الزائد ده .
احمر وجه غرام قليلا ثم أجابت بخجل  
_ اصل مخرجتش مع حد كدة قبل كدة فحاسة الناس كلها بتبص عليا.
أطلق يزيد تنهيدة عالية وما زال ينظر لها بوله شديد حتى تعجبت من نظرته فتسائلت  
_ انت بتبصلي كدة ليه انا قولت حاجه غلط.
_ بالعكس أنت متتخيليش انا فرحان بيكي ازاي أن ربنا اهداني بواحدة زيك جمال واخلاق وحكمة انا كلمة معجب بيكي ده قليلة اوي عليكي بجد خاېف اقول بحبك متصدقنيش بس حقيقي انا بعشقك مش بس بحبك.
اشتعلت وجنتيها بحمرة الخجل وابتلعت ريقها وشعرت كأنها تتصبب عرقا وكأنها بنهار اغسطس برغم برودة الطقس بحكم انهم باواخر شهر ديسمبر.
جاء النادل وانزل الطلبات ثم انصرف فحاول يزيد أن يصلح خطأه السابق فقال لها 
_ انا طلبتلك هوت شوكليت علشان تدفي شوية بس انا شايف انك عرقانة تحبي اطلبلك حاجه تانية.
امأت بالرفض ثم بدأت تمسك الكوب بكلتا يداها فأكمل هو ليخرجها من حالة التوتر هذه فقال 
_ كنت عايز اعرف رد فعل الوالدة لما قولتلها عليا علشان وانا بقابلها بكرة أن شاء الله ولو لها طلبات خاصة في عريس بنتها ياريت تغششيهالي .
ابتسمت غرام ثم وضعت الكوب أمامها وما زالت ممسكه به وتحدثت بصوت خاڤت ابدا ماما ست كويسة جدا وحكيمة اوي واهم حاجه عندها سعادتنا بس ده ميمنعش أنها بتفهم في الشخصيات كويس جدا فخلي بالك وانت قاعد قدامها الاختبار هيكون صعب .
طوال ما كانت تتحدث كان ينظر لوجهها الوضاء وشفاها الوردية التي تخلو من اي زينة سوى لمعان ريقها وهي تبللها بلسانها كل برهه وآخري .
انتهت هي من حديثها ولكنه لم ينته هو من النظر إليها