اڼتقام الحب
آسر
آسر مش عارف
أميرة يعني ايه مش عارف مش المفروض كل شخص يكون عنده هدف ولا عايش كده
آسر أنا كان هدفي كله أن أنا ومي نتجوز بس مفيش نصيب
أميرة هو الجواز هدف من وجهه نظرك
آسر مش ده سنة الحياة
أميرة أيوة بس يعني في أهداف تانية طموحات الكل بيتجوز بس مش الكل بيحقق انجازات خاصة به مستقلة عبيط أوي اللي فاكر أن الجواز هدف وأنه كده حقق المستحيل الجواز زي المۏت بالظبط كل شخص ليه وقته
فين التميز هنا في اختلاف تحقيق الأهداف
آسر أنتي عايزة توصلي لايه
أميرة عايزاك تتغير تنشغل تنسي ماضيك وتسعى للحاضر
وأردفت بداخلها هساعدك تتغير وأرفعك فوق لسابع سما وبعدين أسيبك ټنهار وتقع في سابع أرض
آسر مقاطعة شرودها أميرة بكلمك
أميرة معلش سرحت شوية ونهضت من أمامه وأردفت همشي بقى عشان متأخرش على الشغل
أميرة مش عارفة هكلمك سلام
ف القاهرة
عند رغد
تتسطح على الفراش فاقدة للوعي
الطبيب أنا ادتها حقنه مهدئ المدام تعرضت لاڼهيار عصبي بسبب ضغط نفسي نتيجة قلق أو خوف من حاجة معينه
نادية يعني ايه يا دكتور هتكون كويسة
الطبيب أن شاء الله الروشتة دي تمشي عليها لمده أسبوعين وهتكون كويسة الف سلامة عليها
الطبيب العفو يا دكتور لو احتاجتني رقمي معاك كلمني في أي وقت سلام عليكم
خرج الطبيب من الغرفة ومعه إياد وعلي
خارج الغرفة
إياد ايه اللي حصل يا عمي وصل رغد للحالة دي
علي هقولك يا ابني بس هات الروشته اجيب العلاج
إياد لا طبعا أنا هجبها متتعبش نفسك هنزل ومش هتأخر ولم أرجع نكمل كلامنا
تجلس روفيدة بجانب رغد أردفت پبكاء مامي ردي عليا هروح الحضانة كل يوم ومش هكسل عشان مش تزعلي ردي عليا
نادية مامي نايمة يا روفي
روفيدةببكاء بتضحكي عليا لم بتكون نايمة أنادي عليها ترد عليا هي مامي راحت عند ربنا يا تيتا
نادية بشهقة بعد الشړ عليها لا يا روفي متقوليش كده مامي بس تعبانة شوية وهتكون كويسة يلا تعالي عشان تغيري هدومك و تأكلي
يدلف علي الغرفة وجد روفيدة بجانب رغد ترفض النهوض من جانبها
نادية بحزن تعال يا علي مش قادرة عليها تقوم من جمب رغد أتصرف أنت
يتجه علي نحوها ويملس على خصلات شعرها بحنية حبيبة جدها الشطورة هتقوم تغير هدومها وتاكل صح
بعد دقائق عاد إياد ودلف الغرفة
وجه بصره لروفيدة أردف حبيبة دودو لسه بهدومها
روفيدة ماذالت على وضعها مش هعمل حاجة إلا لم مامي ترد عليا
علي أتصرف يا إيا د روفيدة مينفعش تقعد فترة طويلة من غير أكل بتقولك مش هتقوم من جمب أمها
اقترب منها إياد ورفعها من على رغد أردفت پبكاء مامي
ضمھا إياد داخل أحضانة وأردف وهو يمسح دموعها بكفه مامي نايمة دلوقتي ينفع مامي تصحى تلاقيكي بهدوم الحضانة ومكلتيش هتزعل منك عايزاها تزعل
روفيدة لا
إياد والبنات الحلوين بيسمعوا الكلام
مش مامي دائما تقولك كده
روفيدة أيوة
نظرت لوالدتها وأردفت طيب هي ليه نامت دلوقتي مش بالليل
إياد عشان هي تعبانة ولو قعدت بالليل هتتعب أكتر والصبح مش هتوصل روفي للحضانة زي كل يوم
روفيدة يعني بكرة هتصحى ومش هتنام تاني في النهار
إياد أيوة لو صحيت وشافت روفي غيرت هدوم الحضانة وأكلت أكلها هتتبسط منك ومش هتنام في النهار تاني
بعد أن أنهى حديثة
خرجت روفيدة من أحضان إياد واتجهت لنادية أردفت ببراءة يلا يا تيتا غيري لي هدومي واكليني عشان لم مامي تصحى تتبسط أن روفي سمعت الكلام ومش تنام تاني بالنهار
ابتسمت لها على براءتها وأردفت عيوني يا قلبي يلا بينا
وأخذتها وخرجت من الغرفة
علي مش عارف يا ابني أقولك ايه
إياد متقولش حاجة يا عمي تعال بره نتكلم عشان رغد
وخرج الاثنان معا من الغرفة
ف منزل والد يونس
محمد عرفت حاجة
يونس عرفت معرفتش
محمد مش فاهم !
يونس يعني عرفت عزلت فين لكن فين بالظبط لا
محمد فين
يونس حلوان
محمد حلوان ! طيب هتوصل للعنوان إزاي
يونس مش عارف يا بابا دماغي مقفولة مش عارف أسأل مين هو أنا ليه بيحصل معايا كده دائما حياتي ناقصة
محمد ليه بتقول كده يا ابني أنت أحسن من غيرك بكتير
يونس جوازي الأول مكملش تلاتة سنين ومريم ماټت وسبتني وجوازي التاني ........
محمد بمقاطعة أردف دمرته بأيدك رغد كانت بتحبك يا يونس وكانت مستعدة تعمل أي حاجة عشان تكون ليها بس أنت اللي خسرتها يوم ما
رغد بقت مراتك بجد مستغلتش الفرصة طلقتها لاء وكمان سافرت من غير ما تصلح علاقتك بيها
يونس وبعترف اني غلطت وندمان أعمل ايه بقى
محمد أصبر يا ابني
يونس بنفاذ صبر تعبت يا بابا مش كفاية الأربعة سنين اللي صبرتهم في الغربة
محمد معلش يا ابني صبرت سنين مش هتفرق على
أيام طالما وصلت المكان يبقى أن شاء الله هتوصل للعنوان قريب
ف منزل والدي رغد
إياد پصدمة معقول رغد وصلت لكده
علي بحزن على حال ابنته واحنا السبب يا ابني دي غلطتنا أنا وأمها أننا دعمناها في قرار غلط مكنش ينفع نعمل كده من الأول رغد تصرفاتها بقت غريبة الفكرة اللي مسيطرة على دماغها أن لو يونس عرف بروفيدة هياخدها منها حبها لبنتها حب أمتلاك
إياد معذورة يا عمي دي أم
علي بس مش لدرجة دي أنا خاېف عليها خصوصا من بعد اللي حصل النهاردة
بعد ساعة
تقطع حديثهم روفيدة وهي تركض تجاههم بعد أن بدلت ثيابها أردفت جدو دودو مامي فاقت
علي لسه يا حبيبتي شوية كمان
نظرت بإقتضاب لإياد وأردفت دودو ضحكت عليا سمعت الكلام أهو ومامي لسه نائمة
ف الإسكندرية
مي تعبت يا ماما المرحلة دي صعبة أوي
مها صعبة دي حاجة طبيعية يا حبيبتي تربية العيل مش بالساهل وأنتي معاكي اتنين مش واحد ربنا يباركلك فيهم بس بقولك ايه أوعي انشغالك بعيالك يخليكي تقصري في حق بيتك وجوزك
مي بقولك معنديش وقت اتنفس تقولي لي بيتك وجوزك
مها يا هبلة الست الشاطرة اللي بتعرف تنظم وقتها
مي دي الستات بقى مش أنا أنتي مش حاسة بيا يا ماما فاكرة زمان كنت بعشق العيال الصغيرة بس لو زهقت منهم بسلمهم لأمهاتهم لكن دلوقتي لم أزهق من عيالي بفتكر إني أمهم ببقى عايزة أعيط مبعرفش أسيبهم فين وعندي سراج مزعج زي أبوه وأنتي وطنط إيمان دائما بتفضلو سهى قسمة العدل المفروض مرة كده ومرة كده
مها بضحك على رأي يامن شكلهم العيال جننوكي بدري
في القاهرة
ف منزل والدي رغد
ينظر إياد لساعتة أردف المفروض رغد تكون فاقت دلوقتي
نادية أنا هدخل أشوفها
روفيدة أنا جاية معاكي يا تيتا
إياد لا يا حبيبتي استني تيتا تدخل الأول لو مامي فاقت تقول لنا ندخل نشوفها
وبالفعل دلفت نادية للغرفة بعد ثوان أردفت بصوت عال الحقني يا علي
ركض كل من إياد وعلي إلى الغرفة وجدوا رغد..........
علي بقلق في ايه مالها بتعمل كده ليه
اتجه إياد وجلس بجانبها وقبض على كف يدها أردف رغد لو سمعاني افتحي عينيكي قال جملته الأخيرة بصوت مرتفع رغد فووووقي
قطع توتر الجميع بكاء روفيدة على باب الغرفة
ركضت نادية تجاهها وضمتها داخل أحضانها أردفت مټخافيش يا حبيبتي تعالي معايا
وحملتها على ذراعها وخرجت من الغرفة
كانت رغد في عالم آخر يصدر منها أنين غير مفهوم
علي پخوف الحل يا ابني هنعمل ايه
رغد بشهقة تستعيد وعيها أردفت روفيدة
إياد روفيدة كويسة أنتي كويسة يا رغد
تومئ رغد رأسها بمعنى نعم
علي حمدالله على سلامتك يا بنتي كده توجعي قلبنا عليكي
رغد الله يسلمك يا بابا ماما وروفيدة فين
علي ثوان هنادي عليهم
وتركها مع إياد وخرج من الغرفة
دلف علي لغرفة حفيدته وجدتها ماذالت تبكي داخل أحضان نادية
نادية بتوتر فاقت
علي أيوة
وجهت نادية حديثها لروفيدة الموجودة داخل أحضانها مامي فاقت يا روفيدة يلا نشوفها
بعد إنهاء حديثها خرجت روفيدة من داخل أحضانها وركضت لغرفة والدتها تنادي عليها پبكاء
روفيدة بصوت باكي مش تنامي تاني بالنهار يا مامي أنا كنت خاېفة أوي
رغد مټخافيش يا قلب مامي أنا معاكي ومش هسيبك تاني أبدا ڠصب عني والله.
في الإسكندرية
عند استشاري النساء والتوليد والعقم
الطبيب الاشاعات بتقول
أن عضلة الرحم عندك ضعيفة وف انسداد في عنق الرحم هو دة السبب المانع للحمل غير كده كمان الڼزيف
اللي بيجي لك كل فترة بعد الحيض دي حاجة مش طبيعية خالص طالما الرحم فيه مشكلة مستحيل الحمل يتم فيه عشان كده اتعرضتي الإچهاض كذا مره من خلال الطريقتين الطبيعية وعمليات الحقن المجهري
رانيا يعني فرصة الحمل موجودة يا دكتورة ممكن يحصل
الطبيب إن شاء الله بس لازم نعالج الرحم الأول عشان يكون مهيئ للخصوبة ويحافظ على البيبي طول فترة الحمل بدون مشاكل متقلقيش أن شاء الله خير بس رحلة العلاج هتطول شوية
رانيا مش مهم المهم يحصل حمل في النهاية
الطبيبة بإذن الله
حازم يعني يا دكتور العلاج ده هياخدفترة طويلة أوي
الطبيب على حسب استجابة جسمها والهرمونات متقلقش يا أستاذ الموضوع محتاج طوله بال وحسن ظن بالله
رانيا وحازم معا ونعم بالله
حازم شكرا يا دكتور
ف منزل الدمنهوري
تقف مي في المطبخ تشطف صحون الغذاء أردفت بمرح
وبحتاج لك وتحتاج لي ما بنا ألف حلقة وصل
وبشبهلك وتشبه لي في حب الخير وطيبة الأصل
ماليش غيرك أكيد لكن محدش فينا مختار حد
أنا وأنت حكاية ناس مقاسمين الحياة مع بعض
يدلف يامن المطبخ مكملا مندمج معها وجودك شئ مكملني لأني لوحدي مش هقدر
مي ملامحك كلها مني يدوب الاسم متغير
يامن مجرد بس ما تصبرني وتقولي أنا جمبك
مي تطيب خاطري من همي بكلمة طالعة من قلبك
يامن الله يا فنانة ايه الروقان ده وأكمل بغلاسة جتلك على الچرح تطيب خاطري من همي أصلك قولتيها بضمير أوي ووضوح
مي بضحك أصل الهم تقيل عليا وأنا لسة صغيرة
مكنتش أعرف أن صوتك حلو كده
يامن وانا مكنتش أعرف أن صوتك وحش أوي
كده
مي اسكت وأنا في بتنا لم كنت بغني تقولش كروان لدرجة أن الجيران تقفل شبابيك بيتها من جمال صوتي
اڼفجر يامن في الضحك أردف اها يا كروان يا جامد دي أقل حاجة يعملوها طبعا
مي تلتفت له فكرتني بأيامي الحلوة لم كنت فرفورة الله يرحمها
يامن يغمز لها ايه بقى
مي ايه أنت !
يامن يا بت
مي بلاش لف دوران عايز ايه تعال معايا مباشر كده
فيقطع حديثة بكاء سراج
ابتعدت مي عنه وركضت تجاه غرفة طفلها
يامن بغيظ ليبيه يا ابني كده قاطع رزقي دائما أنت لو عدوي مش هتعمل معايا كده حتي يوم اجازتي كمان مستقصدني فيييينك يا إيمان
في القاهرة
إياد خلاص بقى يا روفي سيبي ماما ترتاح شوية
روفيدة ماذالت ملتصقة بها لالا مش هسيبها
قبلت رغد جبينها أردفت خلاص يا إياد سيبها على راحتها
نادية حمدالله على سلامتك يا رغد أحسن دلوقتي
رغد الحمدلله
إياد رغد لينا كلام مع بعض بس
