معدن فضة 28 بقلم لولي سامي

وكأنه يشعر أنه تأثر زائف فدعا لهم بصلاح الحال وان يعطيهم على قدر نيتهم.
انتهت الجلسة على تحديد ميعاد الزواج بعد شهر واحد برغم رفض حسن وانوار فهذه المدة قد تغير من خطتهم ولكن مع إصرار الخطيب وافقوا وبعد انصرافه أخبر حسن ميار بالصعود حتى ترتاح قليلا من مجهود اليوم وفعلا صعدت هي وجلسوا ثلاثتهم ورابعهم الشيطان الذي كان أقل وطأة منهم بل أكاد أجزم أنه يرفع القبعة لامثالهم جلسوا يتبادلون النظرات لبعضهم وكأنهم ينتون على شئ ما حتى تحدث حسن قائلا وبعدين بقرار خطيبك ده هضطر أجل اللي اتفقنا عليه.
عقبت انوار قائلة بالعكس 
قضب جبينه سائلا باندهاش بالعكس ازاي يا اما يعني أنا أزهق ميار في عيشتها لحد ما تطلب الطلاق واخليها تتنازل عن كل حقوقها مقابل أنها تطلق وبعدين اجوز اختي طب افرضي جوزها حس بحاجة ومرضيش يتمم الجوازة ابقي وقفت حال اختي.
ابتسمت انوار قائلة يا واد ده مش خطيب اختك بس اللي هيتعاطف معاك ده أهل الحته كلهم هيتعاطفوا معاك لما ننشر خبر أنها مبتخلفش وان كمان أهلها عارفين من قبل الجواز ومقلوش يعني الموضوع مش مجرد حظ ونصيب ده غش وڼصب .
ابتسمت غادة وقالت معلقة انا فعلا قولت لخطيبي النهارده أنها مبتخلفش وانك مستحمل كل ده بالعافية .
وكمان يومين أقوله على موضوع أن أهلها كانوا يعرفوا وداروا علينا وبعدها هيكون لينا الحق فاي حاجه نعملها .
اقتنع حسن برؤية انوار وغادة وخاصة أنه رأي أن الموضوع سينتهي بدون اي خسائر من ناحيته وخاصة عندما يرغماها علي التنازل عن حقها وأما الفضيخة لتربت والدته على فخذيه قائلة بفخر وساعتها اختارلك ست ستها وهتقبل كمان تدخل على فرشها وتبقي يا بن المحظوظة اتجوزت اتنين في احسن من كده.
لاحت الابتسامة على محيا حسن وهو يتخيل زواجه بفتاة أخري جميلة ليكرر ذكريات دخلته مع ميار وما احلاها من ذكرى لديه فقد كان مستمتع بخجلها وخۏفها بل ورعبها الذي بدا عليها يومها.
ثم توجه للاعلي ليبدأ في زيادة الجرعة من سوء المعاملة والتقليل من شأنها وفي نفس الوقت الاستمتاع بها بشتى الطرق دون الأخذ في اعتباره ارهاقها .
صعدت ميار وقد حسمت أمرها برغم انهاكها طوال اليوم الا أنها قررت انها ستعيد التحدث معه مرة أخرى في أمر عمله من أجل العلاج وخاصة أن زواج أخته بموعد قريب وهو يقضي معظم وقته نوما .
صعد حسن الذي تأفف فور رؤياها لتوقعه لماذا تنتظره فهي باتت لا تتحدث الا بموضوع العمل ثم قال محاولا تغيير تفكيرها اوف انتي لسه صاحية انا الحق عليا اني خليتك تطلعي بدري علشان ترتاحي شوية.
جلست ميار بجواره محاولة التحدث بطريقة لينه ربما استمع لها فقالت يا حسن اختك دلوقتي هتتجوز يعني محتاجة مصاريف وانا العملية بتاعتي....
اقتطع حديثها ملوحا بيده في الهواء قائلا بنبرة أكثر حده اااااه قولي كدة ملكيش دعوة باختي لما تطلب منك حاجه ابقي قوليلها لا 
انتي عماله تلفي وتدوري علشان موضوع العملية بصي بقي يا بنت الحلال عملية ودفع فلوس على الفاضي مش دافع انا مش هشتري سمك في ماية وحتى لو هتعمليها على حسابك انا مش موافق علشان اللي يحتاجه البيت يحرم على الجامع وده اخر كلام عندي ولو مش عاجبك الباب يفوت جمل كفاية عليا اني مستحمل قرفك .
تعرف عنه أنه غليظ القلب سليط اللسان ولكنها لم تتوقع أنه سيصل لهذه القدر من النذالة وقلة الأصل والبجاحة فلطالما