كل ما يخص كلية فنون تطبيقية
انت في الصفحة 1 من صفحتين
اعرف كليتك
كلية فنون تطبيقية
كلية النص مهندس والتاني فنان 🎨
بما إننا هنبدأ ف كليات الفنون 🎨
ف خلينا نبدأ بحل لغز كليات الفنون باسماءها بالشعب ال بتقبل منها 😁:
📍الفنون التطبيقية: بتقبل من علمي رياضة - علوم
📍الفنون الجميلة: ودي متقسمة لـ 3 أجزاء:
- قسم عمارة: بتقبل من علمي رياضة بس
- قسم ديكور: بيقبل من علمي علوم - رياضة
- فنون (ال هي باقي الاقسام): بتقبل من علمي وأدبي
📍التربية الفنية: بتقبل من جميع الشعب
🎨 فنون تطبيقية من الكليات ال لازم تنجح ف امتحان القدرات بتاعها عشان تتقبل فيها + المجموع بتاعك.
📍السؤال الأذلي عن فنون تطبيقية، هو لازم أكون باعرف ارسم كويس عشان ادخل فنون تطبيقية؟
لأ مش لازم، أنت بتحتاج اساسيات ف الرسم وبتقدر تتعلمها ف الكلية ببساطة، لأن الرسم مهارة مش موهبة يعني مش لازم تتولد بيها لكن عادي جدا تتعلمها ودا عن تجربة جدا ع أكتر من شخص 🤠
📍 الدراسة:
أساس فنون تطبيقية هو التصميم، ف كل المواد ف الخمس سنين بتخدم إنك تكون خريج قادر تصمم أي عمل فني بناء ع أساسات مش بعشوائية.
الكلية 5 سنين مقسومة سنة اعدادي و4 سنين تخصص..
- سنة اعدادي (ف جامعة دمياط اسمه القسم العام): ودي هتاخد فيها مواد تأسيسية ف التصميم زي أسس تصميم، ومنظور حر/هندسي، خطوط، متاحف، رسم هندسي، هندسة وصفية.
- التخصص:
⚠️توضيح إن ف تعريفك سنوات الكلية، بتقول أنا أولى تخصص، ال هي تانية جامعة لأن عندك سنة اعدادي 😅
⚠️ طيب فنون تطبيقية موحودة ف جامعات إيه اصلا ؟
موجودة ف 4 جامعات حكومية (حلوان وبنها وبني سويف ودمياط).
⚠️ بيكون في تنسيق داخلي للتخصصات بعد سنة اعدادي، بيكون نفس النظام بتاع ثانوي إنك بعد النتيجة بتدخل الرغبات بتاعتك وبعدين بتظهر النتيجة وبعدين بيظهر تنسيق الأقسام وبتعرف إنت اتخصصت إيه.
📍الأقسام:
اقسام الكليه باختصار : ....
قسم التصميم الداخلي والاثاث
قسم الاعلان
قسم الاثاثات والمنشآت المعدنيه
قسم الفوتوغرافيا والسينما والتلفزيون
قسم النحت والتشكيل المعماري
قسم الزجاج
قسم الخزف
قسم الحلي والمعادن
قسم الزخرفه
قسم الملابس الجاهزه
قسم طباعه المنسوجات
قسم النسيج
