كل ما يخص كلية العلوم التطبيقية

استكمالا لسلسلة اعرف كليتك انهارده هنتناول 
كلية العلوم الصحية التطبيقية اللي دايما في قضايا وصراع مع نقابة الاطباء لكن كمجال كويسة جدا 
عشان الكليه جديده وما حدش عارف معلومات عنها كان لازم نتكتب بوست تاني عليها 
كليه العلوم الطبيه التطبيقيه 
ايه الكليه دي ومالها وبنتكلم عنها ليه 
اولا كدا دي كليه جديده مش تبع كليه علوم بس
مفيش مقارنه بينهم اصلا 
ثانيا 
الكليه دي مش موجوده ف مصر كلها غير سته كليات فقط تلات حكومه وتلاته خاص 
الحكومه موجوده ف جامعه المنوفيه وجامعه بني سويف والزقازيق 

الكليه دي ايه وبتشغل ايه وبتخرج ايه وبتاخد من كام 
اولاالكليه من كليات القمه واخده من علمي علوم ورياضه
و علمي رياضه ليه وازاي كليه طبيه تاخد من رياضه 
طب براحه هنفهم سوا 
الكليه جديده عشان نطور المجال الطبي بشكل متخصص اكتر 
الكليه مجالها ايه 
فيها اربع اقسام 
1_الاشعه التشخيصيه والعلاجيه 
2_التحاليل والمختبرات الطبيه 
3_تكنولوجيا الاجهزه الطبيه 
4_تراكيب الاسنان 
ايه دا دي نفس المعهد الفني الصحي ال بياخد من اربعه وتسعين لعلمي علوم 
طب فارقه ايه 
هقولك فارقه ان المعهد الفني دراسته سنتين فقط ب اللغه العربيه 
اما كليه العلوم الطبيه بتدرس خمس سنين وليها السنه الاخيره امتياز وكمان الدراسه ب اللغه الانجليزيه 
خريج المعهد المسمي له فني 
خريج الكليه المسمي له اخصائي 
المعهد الفني مش بيدرسو تشريح او تشخيص للامړاض او غيرو 
الكليه الطلبه بيدرسو تشريح للچثث ومواد لطب بشړي عشان كدا ف فرق كبير جدا 
خريج الفني ميقدرش يعمل غير بعض انواع الاشعه البسيطه زي الاكس راي العاديه او التحاليل العاديه زي الډم والبول وغيره
لكن خريج الكليه يقدر يعمل كل انواع الاشعه بانوراما والرنين وهكذا 
كل انواع التحاليل يقدر يعملها ويشخص الامړاض كمان 
طولت عليكوا
بس ايه ال دخل علمي رياضه ف الموضوع 
علمي رياضه بيدخلو عشان قسم الاجهزه الطبيه 
طب م دا موجود ف كليه هندسه تمام صح 
بس ال ف هندسه ازاي يعمل تصميم للاجهزه الطبيه الجديده 
لكن ال ف الكليه دي 
ازاي الخريج يقدر يكتشف عيوب الاجهزه ويداويها الاجهزه ال بتكلف ملايين واول م تبوظ تترمي ف المستشفيات حرام مفيش ناس عندها خبره تقدر ترجع الاجهزه دي زي الاول 
طب ب النسبه لباقي الاقسام م هي موجوده ف طب بشړي 
تمام بس لما الطلبه يتخرجو من الكليه الاقسام دي بنسبه كبيره هتتشال من طب البشري والاسنان 
ف ميزه كمان ف الكليه 
انها لسه جديده مفيش غير دفعتين بس ال فيها لسه محدش اتخرج عشان كدا اي طالب فيها ليه فرصه كبيره جدا للتعيين معيد عن اي كليه تانيه بتخرج الاالف ف السنه 
حبيت اعرفكو معلومات عن الكليه بس عشان تعرفوها 
مستقبلها حلو وفرص السفر لاي خريج موجوده بمرتبات عاليه جدا ف دول الخليج 
الكليه دي ف السعوديه وبلاد برا اعلي من الصيدله ةالطب 
واي خريج بيبقا دكتور متخصص ف مجاله لاقسام الاشعه والتحاليل والتراكيب الاسنان 
ومهندس طبيب لقسم الاجهزه 
الكلية عليها قضايا مع نقابة الاطباء وده ممكن العيب الوحيد اللي فيها ولو اتحل يبقى الدنيا فل جدا 
والكلية مسماها حاليا تكنولوجيا العلوم الصحية التطبيقية و دي طبعا مش تكنولوجية ولكن كثرة الشكاوي تجاهها من نقابة الاطباء اسمها بيتغير كل شويه 
بالتوفيق للجميع وشدو حيلكم يا دكاتره