كل ما يخص كلية الطب

كلية علاج طبيعى
دايما أول ما بتسمع علاج طبيعي بتتقفل كده لإن أول صورة بتيجي في دماغك هو إن علاج طبيعي massage مع إن في أقسام تانية كتير خلونا نبدء ونتعرف عليهم وعلى الكلية بشكل أوضح 
علاج طبيعى 
بتتقسم ل 5 سنين دراسة سنة إمتياز سنتين تكليف وخريجيها ليهم نقابة اسمها نقابة العلاج الطبيعى
الكلية في 7 جامعات حكومية

القاهره
بني سويف
كفر الشيخ 
جنوب الوادي 
السويس 
بنها 
بورسعيد
القاهرة وبني سويف وجنوب الوادي بيتوزع عليهم الطلبة ال في وجه قبلي وكفر الشيخ وبنها الطلبة ال في وجه بحري
طيب كل ده كلام عادى جدا المهم دلوقتي أنا هعمل إيه في الكلية دي
وعشان تعرف هتعمل إيه في الكلية دي لازم نفهم الأول يعنى إيه علاج طبيعى وإيه وظيفته
أول لما بتحصل مشكلة في جسم الإنسان ناس كتير بتتجه للعلاج الكيميائي رغم إن الجسم بيبقى محتاج العلاج الطبيعي من أول الإصابات الخفيفة لحد أكبر مشكلة بتمنع الإنسان من الحركة ووقتها بيلجأوا للمعالج الطبيعي
ده غير الأضرار ال بتحصل نتيجه مشاكل الجهاز العصبى المفاصل العضلات المشاكل ال بعد الجراحة والاصابات الرياضية وكمان المشاكل ال بتحصل نتيجة إن السن بيتقدم زى خشونة الركبة والليلة دي.
أكيد أخدت بالك كلمة مشاكل اتكررت كام مرة
أنت ال هتحل كل المشاكل دي بقى كلها دورك إنك تحاول قدر المستطاع تحل المشاكل دي وترجع حركة العظام نفسها لطبيعتها 
مجال العلاج الطبيعي مش مفاصل وتغذية وأعصاب بس دا كمان في نسا وجلدية ودا علم طبى حديث بيهدف لاستخدام الوسائل الفيزيائية المختلفة فى التشخيص والوقائية والعلاج والوسائل دى على سبيل المثال زى  
العلاج اليدوى ودة علم كبير ومتفرع 
العلاج الحركي 
العلاج الكهربي زى استخدام مختلف الأجهزة والتيارات الكهربية العلاجية والليزر والضوء والاشعة والحرارة والبرودة 
العلاج المائي 
التمارينات العلاجية
وعشان تقدر تعمل كل ده فانت بتدرس
أول سنتين بتدرس العلوم الأساسية زي التشريح الفسيولوجى الهستولوجى الفارماكولوجى البايوكيمسترى البايوفيزكس البيولوجى الباثولوجى الصحة العامة وطب المجتمع الميكروبيولوجى والمناعة وغيره متخافش من الاسامى دى هتتحفظ بعدين 
تانى سنتين بتبدأ تاخد مواد أو أقسام علمية .. بتبدأ تدخل