رواية امل الهلاوي
ماتعرفيش ان اسبوع أجازتك خلص النهارده ماجتيش ليه
حنين انا اسفه يافندم بس حقيقى مش هاعرف أجى الا يوم السبت لظروف معينه وكمان أنا حجزت خلاص يوم السبت
عمر دا شغل ياأنسه حنين مش تهريج ياريت حضرتك تكونى أد المسئوليه
حنين أكيد عارفه انه شغل مش تهريج اهم حاجه غيرى يبقى عارف انه شغل وبس
عمر الرساله وصلت ياأبله حنين
حنين أتمنى ذلك يافندم وماتقولشى ياأبله اسمى أنسه حنين
بقول لحضرتك ممكن اسألك سؤال
عمر اتفضلى اسالى عشر أسئله
حنين هو حضرتك محتاج مشرفين أدوار ولا لاء
عمر اه محتاجين سمر هاتتجوز والدور التانى اللى انتى كنتى ماسكاه فضى وجاى ناس كتير متقدمين للشغل كريم متابع معاهم
حرجت حنين ان تقول له عن سلمى بعدما قال لها ان الكثير تقدم للعمل
عمر سكتى يعنى
حنين لا خلاص مش مهم
عمر قولى ياحنين فيه ايه اتكلمى
حنين بصراحه فيه واحده صاحبتى عاوزه تقدم فى الشغل بس خلاص مش مهم
عمر هاتيها معاكى وانتى جايه
حنين نعم
عمر خلاص اتعينت مادام صاحبتك يبقى محترمه زيك
حنين شكرا يافندم مع السلامه
عمر مع السلامه
تعجبت حنين من سرعة موافقته على عمل سلمى صديقتها وقطع تفكيرها صوت حازم
حازم كنتى بتكلمى مين ياقمر
حنين دا عمر ياحازم
حازم عمر ازاى يعنى وعاوز ايه
قصت حنين على حازم المكالمه الهاتفيه
حنين انا نسيت والله ياحازم ان النهارده اخر يوم فى الاسبوع
حازم طب روحى ماما كانت عايزاكى
خرجت حنين لترى والدتها وتركت هاتفها على الفراش أخذ حازم الهاتف وأخذ رقم عمر من سجل المكالمات ودونه على هاتفه
وقال محدثا نفسه لازم أتكلم معاه وأعرف عاوز منها ايه من غير ماتعرف
فى غرفة مكتب عمر
مازن حنين ماجتش يعنى ياعمور لتكون طفشت منك
عمر لا ياخفيف هاتيجى يوم السبت والله مااعرف هى شغاله عندى ولا أنا اللى شغالى عندها
مازن وأنت عرفت منين
قص عمر على مسامع المكالمه الهاتفيه التى دارت بينهم
مازن والاغرب انك بتسكت لها وبتتكتم لا وشغلت صاحبتها قبل ماتشوفها كمان
عمر الحب ياصاحبى الحب
مازن عقبالى يارب الاقولى صاحبتها حلوة زيها كده
عمر ماتلم نفسك ياجدع انت ايه حلوة زيها دى كمان
مازن خلاص ياعم الغيور انا بسأل بس اما نشوف اللى بيجى منك يامنصوره
عمر بطل هيافهو يالا قوم نتغدا
مازن يالا ياباشا
هاتفت حنين سلمى واتفقوا ان يذهبوا للتنزه قليلا حتى تخبره حنين بأمر العمل
فى احدى الكافيهات على النيل
قصت حنين المكالمه التى حدثت بينها وبين عمر
سلمى ووافق كده على طول
حنين اه والله
حنين بالله عليكى ياسلمى ماتتكلمى معايا كده انا وضعى حاليا مايسمحشى انى احب او اتحب
سلمى حاضر ياحبيبتى ماتزعليش نفسك سيبى كل حاجه للظروف
المهم عايزاكى معايا بقى نروح عندنا عشان نقنع بابا انى اسافر معاكى انا مبسوطه اوى انى هاشتغل ياحنين
حنين ياحبيبتى ياسلمى وانا مبسوطه اوى عشانك
فى مطعم الفندق
كان يجلس كل من مازن وعمر يتناولون غدائهم رن هاتف عمر برقم غريب
عمر محدثا مازن دا رقم غريب
مازن طب رد ليكون حاجه مهمه
عمر ألو
الطرف الاخر السلام عليكم
عمر وعليكم السلام ورحمة الله وبركاته مين معايا
الطرف الآخر أنا حازم ياأستاذ عمر أخو حنين
عمر احم احم اهلا وسهلا بيك ياحازم قولى عمر من غير أستاذ
حازم طيب ياعمر مبدئيا انا جبت رقمك من على موبايل حنين عاوز اكلمك من غير ماتعرف المكالمه دى وعاوزك انت كمان ماتحكيش ليها لو سمحت
عمر أنت كده قلقتنى مش فاهم حاجه
حازم أوعدنى الاول انك مش هاتقول لحنين
عمر أوعدك اتفضل انا سامعك
حازم انا وحنين أصحاب وهى حكتلى كل حاجه انتى عملتها معاها وتصرفاتك
عمر أنا
حازم مقاطعا من غير مقدمات ياعمر أنت عاوز من حنين ايه
عمر زى ماانت صريح معايا كده انا كمان هاكون صريح
انا بحبها وناوى اتقدم لها
حازم عجبتنى صراحتك بس انا عاوز اقولك حاجه حنين حاليا لسه قايمه من صډمه جامده
عمر مقاطعا انا عارف انها كنت مخطوبه وخطيبها عمل حاډثه وماټ سمر صاحبتها قالتلى
صمت حازم قليلا مما سمع فهو يعلم ان حنين وافقت على العمل بعيدا حتى تسلم من نظرات الشفقه وهو أيضا لم يرد ان يخبر عمر بأمر معتز الان على الاقل
حازم طيب كويس انك عارف انها طالعه لسه من صډمه
بص ياعمر حنين مش حمل چرح تانى ولا هى من البنات اللى تسلى بيها يومين وترميها
عمر أنا فاهم كده كويس واوعدك انى مش هاجرحها وهابذل كل جهدى عشان تحبنى وتحس بيا ونتجوز
حازم وانا واثق انها هاتحبك بس انا عايزك تحافظ عليها ياعمر حتى من نفسك بطل حركاتك الجريئه دى
عمر انا انا انا
حازم خلا ص ياعم قلت لك ااننا اصحاب وهيا ما بتخبيش عنى اى حاجه
عمر أوعدك هاحطها فى عينيا وفى قلبى لحد ماتحس بيا واجى اتقدم لها
حازم اوك ياعمر ده رقمى سيفه عندك اكيد هانتواصل كتير بعد كده
عمر أوك ياحازم
حازم السلام عليكم
عمر وعليكم السلام ورحمة الله وبركاته
مازن مين ده
عمر مش هاتصدق حازم أخو حنين
قص عمر على مازن ماحدث منذ قليل فى المكالمه الهاتفيه
مازن طب اشطا كده اخوها كمان بيشجعك اهو
عمر دى حكت لاخوها كل حاجه ماعرفتش ارد عليه
مازن واضح انهم اصحاب اوى
عمر اه ماهو قالى كده اكيد هو عايزها تحب تانى وتعيش وتطلع الحزن من جواها
مازن اظن كده برضه
اقنعت سلمى والدها بالذهاب الى العمل مع حنين وذلك بمساعدة حنين طالما سيكونوا سويا
زارت حنين قبر معتز يوم الجمعه وودعته ودعت له ادعية المتوفى امام قپره وفى مساء نفس اليوم زارت ماجده وايه وودعتهم
ودعت كل من سلمى وحنين عائلتهم
تجهزت الفتاتان للسفر واستقلوا الباص المتوجه الى مدينة شرم الشيخ
الفصل العاشر
وصل الباص المتجه الى مدينة شرم الشيخ من مدينة المنصوره
سلمى ياه اخيرا وصلنا المشوار طويل اوى ياحنين
حنين هاتتعودى عليه ياسلمى مع
الوقت
سلمى انا مېته تعب هاموت وانام
حنين يالا بس ننزل الشنط ونشوف تاكسى وبعدين نشوف مسألة النوم دى
ترجلو من الباص تلفتت حنين عن تاكسى داعية الله ان تجد فى اقرب وقت ولكن وجدت من ينادى باسمها قائلا حنين
التفتت كل من حنين وسلمى لمصدر الصوت وكان عمر ويقف بجانبه مازن
نظرت سلمى الى عمر بدهشه وشهقت
فبادرتها حنين قائله يخربيتك هاتفضحينا ماتبصيش كده ماحدش يعرف انه شبه معتز غيرك حتى سمر ماتعرفشى اوعى تجيبى سيره لحد كفايه نظرات الشفقه اللى بشوفها فى المنصوره
اتجه عمر الى حنين ووقف قبالتها وقال وهو يبتسم ابتسامه هادئه
عمر حمدلله على سلامتكم نورتوا شرم
حنين الله يسلمك يااستاذ عمر بعد اذنك
عمر بعد اذنى ازاى انتوا هاتركبوا معانا
أفاقت سلمى من شرودها وقالت
سلمى نركب معاكم ازاى يعنى ياأستاذ
مازن ايه ده هو انتوا زى بعض
سلمى زى بعض ازاى يعنى
مازن لا ابدا المهم يالا عشان احنا متأخر ومش هتلاقوا تاكسى والقريه بعيده
حنين مش عارفه اشمعنى أنا بالذات اللى صعب ألاقى تاكسى
عمر ياستى اعتبرينى تاكسى ماهو أنتوا هاتركبوا مع بتاع التاكسى لوحدكم أحنا مش هاناكلم يعنى
اخذت سلمى حنين على جانب
سلمى ها ياحنين
حنين انتى ايه رأيك
سلمى المنطق بيقول نركب
حنين خلاص يالا انا تعبانه وخاېفه بجد مانلاقيش مواصلات دلوقتى
توجهوا الى عمر ومازن
حنين اوك ياأستاذ عمر احنا بس ماكناش عاوزين نتعبك
عمر لا ابدا تعبكم راحه
حنين بس مش غريبه يعنى نلاقى حضرتك فى ميعاد وصولنا
عمر انا ومازن كنا فى مشوار قريب من هنا وشفناكم قلنا ناخدكم معانا
حنين اوك
فلاش باك
عمر مازن انا عايزك تعرف مواعيد الباصات اللى هاتيجى من المنصوره النهارده وتعرفنى
مازن اشمعنا
عمر هانروح نجيب حنين هاموت واشوفها
مازن يابنى أنت غاوى تسمع منها كلمتين مش هاترضى تركب معانا
عمر ياغبى أنت نسيت صاحبتها جايه معاها
مازن اه بالحق طيب ياحبيبى هاشوف وأقولك
بعد عدة ساعات
مازن هو باص واحد اللى جاى النهارده من المنصوره هايبقى الساعه 11 بليل أى خدمه
عمر ماتروحش اى مكان انت هاتيجى معايا
مازن والله مااعرف أنت اشتريتنى ياعم أنت تحب وأنا اتمرمط
عمر خليك جدع بقى
مازن ماشى ياسيدى
عوده للوقت الحالى
فى سيارة عمر تجلس الفتاتان فى الخلف فى هدوء شديد
مازن يارب الشغل معانا يعجبك ياأنسه سلمى
سلمى ان شاء الله ياأستاذ
مازن مازن اسمى مازن
سلمى تشرفنا
عمر أنسه حنين من النهارده أنتى ليكى اوضه لوحدك جمب الجناح بتاعى وأنسه سلمى هتاخد المكان اللى أنتى فيه
حنين بتعجب ليه
عمر المكان اللى انتى فيه مكان المشرفين انما سكرتيرة المدير بتبقى فى اوضه جمبه عشان الاجتماعات وبتشيل اوراق مهمه معاها أنتى مشيتى قبل ماافهمك الكلام ده
حنين يعنى ماينفعش افضل مع سلمى
عمر دى القوانين ياأنسه
سلمى خلاص ياحنين هنبقى نتقابل طول النهار مش مشكله
حنين باستسلام ماشى حاضر
مازن ربنا يكملك بعقلك ياسلمى
سلمى سلمى حاف طيب يامازن
مازن ضاحكا المره اللى جايه هاحطلك صوص على الاسم
سلمى وابقى حط شويه دقه وشطه كمان لو سمحت
مازن ضاحكا بشده شكلك بتحبى الكشرى
سلمى بسخريه لا بحب كل واحد يلتزم حده ومايرفعش الالقاب
مازن هو انتى كمان كده
سلمى كده اللى هو ازاى
مازن لا ابدا ياأنسه سلمى
سلمى أيوه كده ياأستاذ مازن
عمر أنتوا اصحاب اوى صح
سلمى أيوه
عمر وسمر بقى التالته بتاعتكم
حنين لا سمر كانت زميلتنا بس
سلمى احنا اصحاب من ابتدائى
عمر ربنا يديم بينكم المحبه
وأخيرا وصلوا جميعا الفندق
عمر حمدلله على السلامه
حنين وسلمى الله يسلمك
عمر تعالى معايا اوريك أوضتك ياأنسه حنين
حنين هاوصل سلمى الاول
مازن انا معاكى أهو ياأنسه هوصلك أوضتك
سلمى ميرسى
ذهب كل من عمر وحنين فى اتجاه وسلمى ومازن فى اتجاه اخر
عند سلمى ومازن
مازن كل بنات المنصوره كده
سلمى كده اللى هو ازاى يعنى
مازن حلوين ومؤدبين
سلمى أنت بتعاكسنى ولا ايه ياأستاذ
مازن هو اللى يقول الحقيقه يبقى بيعاكس
تعجبت سلمى من جرئته وبروده
سلمى لسه كتير
مازن قربنا نوصل ياجميل
سلمى ممكن نسكت لحد مانوصل اما انت بجح اوى دا ايه ده
مازن متعجبا من هجومها عليه لا واضح انت انتوا كلكوا كده
سلمى هو فيه ايه بالظبط كل شويه تقول كلنا كده ماتحترم نفسك شويه
مازن على فكره انا المدير بتاعك
سلمى والله خفت انا يامدير وهل كونك مدير يديك الحق انك تتطاول معايا فى الكلام
مازن طب انا اسف انا كنت بلاغيكى بس
سلمى ولا تلاغينى ولا الاغيك انا جايه اشتغل مش الاغى
مازن ماخلاص بقى قلت اسف
سلمى تقبلته
مازن هو ايه
سلمى اسفك مش قلتلى اسف وانا تقبلته
مازن ضاحكا وصلنا ياستى اهو
فى هذه الاثناء كانت سمر تخرج من الغرفه ووجدت سلمى ويصاحبها مازن
سمر سلمى حبيتى انتى هنا ازاى
بعد السلامات والاحضان
مازن اسيبكم انا بقى تسلموا على بعض ياسلمى
تقصد مازن ان يقول اسمها بدون القاب ليرى رد فعلها بعدما علمت انه مديرها
سلمى اوك يامازن تصبح على خير
مازن بابتسامه وهو يقترب من اذنها بصوت هى فقط التى تسمعه
مازن نسيتى تحطى دقه وشطه
سلمى بهمس فى أذنه وأنت نسيت تحط الصوص
مازن وهو يضحك خلصانه بشياكه
ضحكت سلمى تصبح على خير
مازن وانت
