روايات بقلم لولي سامي

معدن فضة البارت السادس والعشرون
لولي سامي 
جحظت عيون غالية وتمتمت بصوت مسموع قائلة  
_ الف حمد وشكر لك يا رب.
سمعها أخيها فاروق من الناحية الأخري فسأل بلوم متعجبا 
_ بتحمدي ربنا أن ابني اتكسر يا غالية.
انتبهت غالية لما نطقت به فحاولت تصحيح موقفها فقالت 
_ لا يا حبيبي بعد الشړ عليه انا بحمد ربنا انها جت على قد كدة .
زفر فاروق زفرة عالية ثم قال بصوت حزين 
_ اه صحيح الحمد لله انها جت على كدة ده كانت حاډثة جامدة ولولا ستر ربنا كنا هنضطر نعمل عملية ونركب شرائح بس الحمد لله الدكتور طمنا متقلقيش كلها شهرين أن شاء وهنيجي 

انا بس قولت اتصل بيكي علشان هناخر الخطوبة شوية.
تنفست غالية الصعداء حتى شعرت أنه سمعها ثم أسرعت قائلة  
_ وماله يا اخويا براحتكم خالص اهم حاجه صحة حازم والف حمد الله على سلامته تاني .
أنهت المحادثة وكادت أن تقفز من الفرحة فاجرت هاتفا اخر بفؤاد التي أخبرته بالأمر فقال بصوت فرح لفرحتها  
_ الحمد لله دلوقتي تقدر نتكلم ونتفق براحتنا ولو على طلب كتب الكتاب هخليه هو اللي يطلبه ان يكون مع الخطوبة ماهو برضه مش معقول يدخل ويخرج عليكم وانتوا اتنين حريم لوحدكم ولا ايه غالية
شعرت أنها ليست بمفردها من تفكر في هذا الامر فهو طلب شائك وسيظل بتاريخ حياة ابنتها الزوجية انتبهت من غفلتها على حديث فؤاد قائلا
_ هتفضلي لوحدك كتير يا غالية  
مش آن الأوان بقي تسمحيلي ابقي سندك بعد ربنا 
بكرة البنت هتروح مع عريسها وهنفضل انتي وانا لوحدنا نتعكز على بعض.
شعرت غالية بتوتر شديد برغم أنها مازالت تكن لوالد ماسة كل الحب والاشتياق ولكنها حقيقة تحتاج من تستند عليه وخاصة أمام أخيها بعد أن تفعل فعلتها الشنعاء من وجهة نظره.
فاقت من شرودها علي صوته وهو يقول 
_ علي العموم انا بكرر طلبي يا أم ماسة ومش عايز منك رد دلوقتي هسيبك تفكري وتحسبيها واعرفي أن اللي فات مش زي اللي جاي .
علي العموم بلغي خطيب بنتك أن شاء هقابله الاسبوع الجاي يوم الجمعة أن شاء الله واتمنى الاقي ردك في وقتها 
استودعكم الله.
أغلقت غالية الهاتف وهي بحالة شرود تام وعقلها مشوش .
هل فعلا السابق ليس كالتالي 
تعلم أنها ضعيفة أمام أخيها وأولاده وجبروتهم وأنها تحتاج لمن يقف بجوارها ويكون لها ولابنتها السند بعد الله فخالها فهو سيكون ندبه في حياتهم وحياة ابنتها تحتاج للدرع الواقي تحسبا لأي ظروف .
ولكن هل صبرت كل هذه الأيام حافظة على العهد ووفيه لزوجها لټخونه في اخر العمر .
استقامت لتقف أمام صورة حبيبها وزوجها مراد كما تفعل دائما عندما يستصعب عليها الامر فهو كان ومازال مرشدها ومنقذها ففي حياته كان يرددها للصواب وفي مماته تشعر كأنه يرشدها باحلامها .
ظلت تحدق بصورته وملامحه التي اشتاقت لها كثيرا ثم أطلقت تنهيده حارة ثم قالت
_ وحشتني اوي يا مراد 
وحشتني يا ابو ماسة 
تعبت اوي يا حبيبي بعدك 
اخويا اللي كنت بتحنيني منه اتجبر عليا وعلي بنتك اوي .
فاكر ماسة انت اللي سمتها وقولت تكون ماسة حبنا 
حمدت ربنا كتير عليك علشان كنت اكبر نغمة في حياتي ولحد دلوقتي ذكراك بس اكبر نعمة في حياتي .
مش قادرة اعيش مع غيرك علشان مش قادرة انساك 
بس دلني اعمل ايه يا حبيبي قصاد اخويا .
خاېفة يأذي بنتي لو في يوم اشتكت بعد الجواز ومتلاقيش اللي في ظهرها 
انا عارفه أن اخوك راجل وهيوقف في ظهرها من غير حاجة بس حقها اللي معايا من ورثي انا مش هقدر احميه من اخويا وخاېفة اظلمها لو في يوم من الايام اخويا أو ولاد عملوا حاجه وانا مقدرتش اقف في وشهم .
دلني يا مراد زي ما عودتني دائما 
دلني يا حبيبي.
استمعت على طرق علي باب غرفتها فسمحت لابنتها بالدخول فقالت لها  
_ تعالي يا ماسة الحمد لله يا حبيبتي ربك مكملها معانا بالستر الفترة امتدت بدل شهر بقت شهرين واحتمال ثلاثه.
تسائلت ماسة باندهاش  
_ ازاي يا ماما 
ثم أكملت بسخرية قائلة  
_ ايه خالي رجع في كلامه ولا حازم ابنه قاله مبحبهاش!
ضحكت