كل ما يخص كلية حاسبات ومعلومات

كل ما يخص كليه حاسبات ومعلومات
كلية حاسبات ومعلومات هي كلية دراستها بتقوم على دراسة كل ما له علاقة بال وبرمجة الكمبيوتر من أول برنامج الويندوز حتى برامج ال والألعاب ودراستها بتختلف إلى حد ما من قسم للتاني.
مجالات عمل الكليات العلمية 1
هتخرج منها أبقى إيه
بيختلف المسمي الوظيفي ليك على حسب القسم اللي هتخصص فيه بيبقي بين مبرمج أو مطور ورسميا اسمك اخصائي حاسب وبرة مصر مهندس برمجيات وشغلك بيكون في شركات الكمبيوتر اللي في مصر وبرة مصر إلخ. ولو طلعت من العشرة الاوائل في الكلية فيه شركات زي مايكروسوفت وأوراكل بتاخدك تشغلك.

طب إيه أقسام الكلية
قسم علوم الحاسب Computer Sciences Department CS
وده قسم هتدرس فيه معظم لغات البرمجة الموجودة في الكمبيوتر يعني مثلا زي السي والسي بلس والسي بلس بلس والجافا والاسيمبلي والسي شارب.. إلخ.
والمواد بتاعته بتختلف من جامعة لجامعة لكن عموما المواد باختصار بتعلمك إزاي تترجم لغات البرامج وإزاي تدرس البنية التحتية للبرمجيات وكمان بتاخد مقتطفات عن برمجة الشبكات ومواقع الانترنت لكن دراستك في هذا القسم بتنصب على برمجة الحاسب.
والتخصص في القسم ده من سنة تالتة في بعض الجامعات زي حلوان وفي سنة رابعة زي عين شمس وفي حاسبات بنها مفيش غير القسم ده وبس.
قسم نظم المعلومات Information Systems Department IS
وده بتدرس فيه برمجة قواعد المعلومات وبعض من شبكات الإنترنت والاتصالات وبعض من مواد التسويق وإدارة الاعمال وبرضه بتاخد بعض لغات البرمجة بس مش كلها لكن دراسته تنصب على قواعد البيانات وهتتعلم فيه إزاي تصمم برامج إدارة الشركات والبنوك وإزاي تخزن بيانات الشركة كلها على برنامج واحد أو على موقع انترنت واحد
قسم نظم المعلومات الحيوية Bioinformatics Department
وه قسم خاص ومصاريفه بتختلف من سنة لسنة بس السنة اللي فاتت وصلت ل 17 ألف جنيه وهو قسم بيدخله علمي علوم بس لازم بتاخد رياضة 2 في أول سنة لأنك هتدرس فيه مواد من صيدلة ومن علوم أحياء طول السنوات الدراسية وعادي ممكن علمي رياضة برضه يدخله والتخصص في القسم ده من سنة أولى.
وهنا