كل ما يخص كلية التمريض

 البوست ده حبيت اعمله علشان نقدر نوضح للناس اللى داخله جديد او لأى حد مش عارف يعنى ايه كلية تمريض ونظامها ايه و ممكن تعمل ايه بعد ما تاخد كلية تمريض والناس اللى مش حابه التعامل مع المرضى او انها تاخد شيفتات وسهر والكلام ده عادى جدا محلوله مجرد بس هتعمل دبلومة ادارة او جوده او دبلومة مكافحة عدوى الحاجات دى انا جايبلكوا شرحها تحت وساعتها هتروح المستشفى من الساعه ٨ للساعه ٢ زى اى موظف عادى يعنى اللى يدخل ميقلقش من حكاية السهر والشيفتات دى .

تمريض من مرض يعني داوى
تخيل لما مهنتك تبقى إنك بتداوي الناس وبتساعدهم يتخلصوا من الۏجع يبقى تستاهل ولا متستاهلش 
الكلية 5 سنين 
4 سنين دراسه وسنه امتياز 
واغلبها بتبقي عمليه يعني مطلوب منك حضور كل يوم وبتنزل المستشفي وبتشوف حالات وبتتعامل معاها .
كلية تمريض المواد فيها بتتقسم قسمين  
مواد تمريض يعني في صميم المجال 
و مواد غير تمريض يعني المواد الي معظم الكليات الطبيه بتاخدها .
فمواد تمريض في مادة اسمها أساسيات تمريض معاك كل سنة و لو شلتها بتشيل السنة كلها للأسف حتى لو مش شايل مواد غيرها ودا من العيوب طبعا .
والمواد ال مش تبع تمريض بتبقي تقريبا زي مواد صيدله ال هما فارما وبايو ومواد علاج طبيعي وطب بشړي وفسيولوجي وتشريح وهستولوجي وميكروبيولوچى وباراسيتولوجى وغيرهم كتير .
وبتدرس طول الاربع سنين التخصصات والاقسام الي بتلاقيها بعد كده لما تيجي تشتغل زي باطنة وجراحه و نساء وتوليد وطوارئ وطب شرعي واطفال وعظام ورمد .
خامس سنة بقا بتبقي سنة الامتياز مش بتكون دراسة دي بتكون تدريب عملي في المستشفي علي كل حاجة أخدتها في الكلية وبيقي ليك مرتب تحت اسم مكافأة .
وممكن تستلم الامتياز علي طول بعد ما النتيجه تظهر او ممكن تأجله وساعتها لو اجلته تقدر تشتغل في اي مستشفي خاصه والمرتب فيها بيقي حلو جدا .
وبعد الامتياز على طول هيبقي ليك تكليف او بيجيلك جواب تعيين بمعني اصح في المستشفيات الحكومي وده بيقي شغلك الاساسي بعد كده وبتتثبت في المستشفى كأخصائي تمريض وممكن تشتغل اخصائي في اي قسم مش شرط قسم معين .
والكلية عموما بتتطلع منها بمؤهل عالي بكالوريوس تمريض والتعيين والتكليف بيجيلك كأخصائي تمريض مش ممرض بمعنى انك بتكون مشرف على طقم التمريض في قسم من أقسام المستشفى اي قسم بقى من ال كنت بتدرسهم طول الاربع سنين زي باطنة او جراحة او اطفال او اي حاجهفانت بتبقي مشرف علي الطقم الممرضين الي في القسم ده الي بيبقوا متخرجين من معهد او مدرسه او اكاديميه تمريض .
والفرق عموما بين التمريض والطب 
إن الدكتور بيشخص الحالة وبيوصف العلاج بس اخصائي التمريض بيراجع العلاج والتشخيص وبيقي مسؤول عن كل طقم الممرضين عشان كده لازم يبقي فاهم في كل تفصيله في شغل الممرضين عشان لو فيه غلط يقدر يلحقه ويحاسب الغلطان .
يعني عندك مثال 
اخصائي التمريض في العمليات والتعقيم بيقي نوعين النوع الأول ده بيساعد الدكتور أثناء العملية والنوع التاني مسؤول عن تجهيز اوضه العمليات وتعقيمها وتعقيم الأدوات الي فيها وتجهيز المړيض يعني بيتعب شوية في شغله .
وزي ما قلنا ان التمريض بيدرس نفس مواد طب بس على اصغر شويه ومش بتعمق زي طب زي ما بالظبط بتوع طب بيدوسوا مواد تمريض على